گال: سری لنکا نے ٹاس جیت کر پاکستان کے خلاف دوسرے گال ٹیسٹ میں بیٹنگ کا فیصلہ کر لیا۔
تفصیلات کے مطابق گال انٹرنیشنل اسٹیڈیم میں پاکستان اور سری لنکا کے مابین دوسرا ٹیسٹ شروع ہو گیا، سری لنکا نے ٹاس جیت کر بیٹنگ کا فیصلہ کیا ہے۔
پاکستان ٹیم میں 2 تبدیلیاں کی گئی ہیں، اظہر علی کی جگہ فواد عالم اور شاہین شاہ آفریدی کی جگہ نعمان علی کو ٹیم میں شامل کیا گیا ہے۔
پاکستان ٹیم
پاکستان کو ٹیسٹ سیریز میں 0-1 سے برتری حاصل ہے، ٹیم نے سیریز میں کلین سوئپ کا عزم کر رکھا ہے۔
بدھ 20 جولائی کو پاکستان نے پہلے گال ٹیسٹ میں 342 رنز کا ریکارڈ ہدف حاصل کر کے سری لنکا کے خلاف ٹیسٹ 4 وکٹوں سے جیت کر نئی تاریخ رقم کر دی تھی۔
شان دار کارکردگی پر عبداللہ شفیق گال ٹیسٹ کے ہیرو ثابت ہوئے تھے، انھوں نے 158 رنز بنائے اور ناٹ آؤٹ رہے، اوپنر عبداللہ شفیق کی اننگز نے پاکستان کو فتح سے ہم کنار کیا، بابر اعظم نے 55 اور رضوان نے 40 رنز کی اننگز کھیلی۔
واضح رہے کہ قومی ٹیم کے فاسٹ بولر شاہین شاہ آفریدی پہلے ٹیسٹ میں فیلڈنگ کے دوران گھٹنے کی انجری کی وجہ سے دوسرے ٹیسٹ سے باہر ہو گئے ہیں۔
0 Comments