سری لنکا، آسٹریلیا میچ کے درمیان حادثہ، ویڈیو وائرل

 کولمبو: سری لنکا اور آسٹریلیا کے درمیان جاری ٹیسٹ میچ کے دوران میدان کا گرینڈ اسٹینڈ گرگیا۔

غیر ملکی میڈیا رپورٹ کے رات گئے سے کولمبو میں موسلا دھار بارش کا سلسلہ جاری ہے جس کے نتیجے میں کھیل کا دوسرا روز بھی تاخیر کا شکار ہوا.

تاہم افسوسناک واقعہ اس وقت رونما ہوا جب تیز ہواؤں اور طوفانی بارش کے باعث گرینڈ اسٹینڈ گرگیا تاہم خوش قسمتی سے وہاں کوئی تماشائی موجود نہیں تھا۔

میربان سری لنکا گال ٹیسٹ کی پہلی اننگز میں 212 رنز بناکر آؤٹ ہوئی جبکہ آسٹریلیا نے 3 وکٹوں کے نقصان پر 98 رنز اسکور کرچکی، گراؤنڈ اسٹاف نے میدان اور پچ کو ڈھانپ دیا ہے محکمہ موسمیات نے آج مزید بارش کا عندیہ دیا ہے۔

گال ٹیسٹ کے پہلے روز 13 وکٹیں گری تھیں جبکہ خراب موسم کے باعث میچ کو روک دیا گیا تھا، پچ کی موجودہ صورتحال کو دیکھ کر ماہرین ٹیسٹ میچ تین روز میں ختم ہونے کی پیشگوئی کررہے ہیں۔